ചോദ്യം : എനിക്ക് അബുദാബിയിൽ ഓയിൽ & ഗ്യാസ് ഫീൽഡിൽ എഞ്ചിനീയർ ആയി ജോലികിട്ടി വന്നിട്ട് 1 മാസം കഴിഞ്ഞതേ ഉള്ളു.. ഇവിടെ എന്നോട് ഇവർ താടി പൂർണമായും വടിച്ചാൽ മാത്രമേ സൈറ്റിൽ പ്രവേശിക്കാൻ പറ്റു എന്ന പറയുന്നത്.. അവിടെ ഗ്യാസ് ലീകേജ് ഉണ്ടായാൽ മാസ്ക് ഫിറ്റ് ആയി ഇരിക്കണമെങ്കിൽ താടി പാടില്ല ജീവൻ രക്ഷിക്കാൻ ആണ് എന്നാണ് പറയുന്നത്.. ഇന്റർവ്യൂ ടൈമിൽ എന്നോട് ഇതിനെ പറ്റി ഇവർ പറഞ്ഞിരുന്നില്ല.
ഉത്തരം :
الحمد لله والصلاة والسلام على رسول الله وعلى آله وصحبه ومن والاه وبعد ؛
ഓഫ് ഷോറിൽ വർക്ക് ചെയ്യുമ്പോൾ ഗാസ് / കെമിക്കൽ ലീക്കേജ് ഭയപ്പെടുന്ന ഭാഗങ്ങളിൽ സേഫ്റ്റി മെഷേഴ്സിന്റെ ഭാഗമായി, അങ്ങനെ അവർ ആവശ്യപ്പെടാറുണ്ട്. ജീവൻ സുരക്ഷയുടെ ഭാഗമായതുകൊണ്ട് അത്തരം മേഖലയിൽ ജോലി ചെയ്യുന്നവർക്ക് സുരക്ഷയുടെ ഭാഗമായി താടി എടുക്കൽ നിർബന്ധമാണ് എങ്കിൽ എടുക്കാം. ഹൈ സേഫ്റ്റി മെഷഴ്സ് ഫോളോ ചെയ്യുന്ന ചില അപൂർവമായ ജോലികളിലെ നിർബന്ധിത സാഹചര്യത്തിലെ ഒരു എക്സപ്ഷൻ ആയി മാത്രമേ ഇതിനെ കാണാൻ സാധിക്കൂ. എന്നാൽ ഇനി ഒരാൾക്ക് മാനസികമായി അതിനോട് പൊരുത്തപ്പെടാൻ സാധിക്കുന്നില്ലെങ്കിൽ മറ്റൊരു ജോലി നോക്കുകയും ആവാം. ഈ കാരണത്താൽ മാത്രം ജോലി ഉപേക്ഷിക്കേണ്ടതില്ല. കാരണം ജീവൻ രക്ഷയുടെ ഭാഗമായി അത്തരം സേഫ്റ്റി മെഷഴ്സ് ഫോളോ ചെയ്യൽ അനിവാര്യമാകുമെന്ന് വിലയിരുത്തപ്പെട്ട ഇടങ്ങളിൽ ആ നിയമങ്ങൾ നാം പാലിക്കുക. അത്തരം ഘട്ടങ്ങളിൽ ഇളവുണ്ട്. കാരണം ജീവന്റെ സുരക്ഷയാണ് പ്രധാനം. അത്തരം ഘട്ടങ്ങൾക്ക് ഇളവുണ്ട്. ഇത്തരം തൊഴിൽ മേഖലകളാകട്ടെ ജോലി എന്നതിലുപരി അത് മനുഷ്യർക്ക് ഉപകാരപ്രദമായ ഒരു സേവനം കൂടിയാണ്.
والله أعلم…
